Handwärchskürs
Wedsch Sälber omal - scho lang mal diner IIgetä Sachä kreierä?
Nüi bieti im ChleeBlattShop o Kürs ah für Chliigruppä!
Bis ids hani vorallem ar Klubschuel-Thun dörfä Kürs gä. Uf Endi Jahr git si jedoch zuä drum giits ab sofot Kürs im Atelier Estrich, oberhalb mim Ladä.
Undä dran gfindsch paar Kürs so alls Bispiel.
Gärn darfsch di aber o mit Dirä Iidee u dim Wunschdatum mäldä fürnä Einzelkuurs oder mit Paar Menschä us dim Umfäld zämä.
Und jaa o mit Chind! Möglich isch so vieles ♡
Was z.b. o möglich isch
-Herbstchränz
-Trochäloop
-Trochästruss
-Winterchranz
-Bluemä us Draht
-Adventsbrätt
U vieles vieles meh ♡
Chostä duet d Stund Grundsätzlich
Gruppä, pro Mensch 80.-
Einzelkurs 100.-
Material chunt när drzuä ♡ oder cha mitgno wärdä ♡
Töpferä
Sälber es Tassli oder Siifäschäli machä?
Oder so wi diä uf Insta uf dr Schiibä Gfäss dreiä?
I verschiednä Kürs ziigi dr wiäd ds chasch lehrä u machä.
Floristik
Bluemästrüss, Bluemächränzli, Reifä mit Trochäbluemä oder Adevntssachä.
I verschiednä Kürs ziigi dr wied Dahiim sälber schöni Sachä chasch kreeierä
Gruppäevents
Mit dä Bestä Fründinnä öpis schöns kreierä? All di Kürs si o privat buechbaar.
Hesch ä bsundrigi Idee wasdr gärn weded machä? Schribmr Iifach, das klappet sicher.
Töpferä Basics
Im Grundkurs lehrsch wiä Umgah mitm Ton, diversi Technikä, uf wasmä muess guggä u vorallem wied zuäkünftig allini chasch Töpferä.
Das alls aber no ohni Töpferschiibä, sondern vo Hand u mit diversem Wärchzüg.
1-4 Personä
3 Lektionä
165.- pro Person
ohni Material -> pro fertig brennts Kg 60.- ( c.a. 20.- pro Tassä)
Mitnä: Schurz
Datum
-------‐-----
Di Datum passä gad ned so für Di?
Gärn gibi dr o ä Einzelunterricht oder ä Kurs für Dii u diner Lieblingsmenschä! Mäld Di iifach frnä Datumsafrag. ♡
Töpferä uf dr Schiibä
Im Töpferschiibäkurs lehrsch wiä Umgah mit dr Töpferschiibä, wasd mitä Hend muesch machä, uf wasd di sötsch achtä und wiä dasd Zuäkünftig allini chasch Dreiä.
1-3 Person
2-3 Lektionä
165.- pro Person
ohni Material -> pro fertig brennts Kg 60.- ( c.a. 20.- pro Tassä)
Mitnä: Schurz
Datum
Da sich dä Kurs numä für Einzelpersonä oder mini Gruppä eigenet schribmr doch am bestä diräkt dis/öis Wunschdatum
Glasieren Basics
Im Glasurgrundkurs lehrsch di verschiidenä Technikä zum verzierä vo diinä Kreationä, uf wasd di muesch achtä, das Rot u Blau ned umbedingt Violett giit und vieles meh.
Vorusetzig isch dasd entweder scho sälbr ufm Atelier-Estrich bisch cho Töpferä oder dr Grundkurs uf dr Schiibä oder vom Töpferä gmacht hesch.
Somit dini Kreationä dr Rohbrand gschaft hii.
1-6 Personä
2 Lektionä
110.- pro Person
ohni Material -> pro fertig brennts Kg 60.- ( c.a. 20.- pro Tassä)
Mitnä: Schurz
Datum
Fr 08. November 17.00 - 18.40
Das Datum passt gad ned so für Di?
Gärn gibi dr o ä Einzelunterricht oder ä Kurs für Dii u diner Lieblingsmenschä! Mäld Di iifach frnä Datumsafrag. ♡
Adventskranz
Im Adventskranzkurs lehrsch sälber ä schönä klassischä Chranz bindä mit diversem Material und wiä d Cherzä so aamachsch dasi häbä.
1-6 Personä
2.5 Lektionä
190.- Kurs inkl. Material (ohni Cherzä)
Mitnä: Cherzä, darfsch entweder sälbr mitnä oder vo denä i mim Ladä drzuä chuufä.
Datum
(Da ig no ned weiss weller Kurstäg ds Riichäbach so gfragt sii isch d Uswahl no chli grösser)
Adventsast
Im Adventsastkurs lehrsch sälber ä Individuelli Adventsdeko ufmä dickä Ast mit schönä Stabcherzä machä.
1-6 Personä
2 Lektionä
190.- Kurs inkl. Material
Mitnä: Ast, Holzstrunk oder ähnlichs
Datum
Fr 15. November 17.00 - 18.40
(Da ig no ned weiss weller Kurstäg ds Riichäbach so gfragt sii isch d Uswahl no chli grösser)
Bluemästruss
Sälber ä schönä Gartästrussbindä us dä Bluemä wo vor dr Huustür wachsä? I däm Kurs ziigi Dier wies giit, uf wasd di muesch achtä bim abschniidä und was wichtig isch das dini Bluemä o guet hii.
1-6 Personä
2.5 Lektionä
190.- Kurs inkl. Material
Datum
Das Datum passt gad ned so für Di?
Gärn gibi dr o ä Einzelunterricht oder ä Kurs für Dii u diner Lieblingsmenschä! Mäld Di iifach frnä Datumsafrag. ♡
Aamäldig