Trauerfloristik

Bir Truurfloristik isches mier es grosses Aaligä öpis ds Gstalltä wo o dr verstorbenä Person sehr gfallä heti u sä o voll wiederspieglet. Verzell mr ifach di positivä Erinnerigä a Siä/Ihn u was siä / är gärn gmacht het u i machä dier mit viel Härzbluet öpis ganz persönlichs.

Es isch i jedem Budget öpis schöns müglich ds machä.

Chum ifach verbii oder kontaktier mi schüsch. Gärn darfsch mr o es Wunschbild ziigä u i machä dier genau soöpis. 

Wasi zum Bispiel immer wieder darf machä si Schalä u Gsteck fürnä Person wo d Bärgä gliebt het mit Edelwiis, Enzian u däm Alpäflair oder für Personä  wo ires Läbä lang gartnet hii mit ganz vielnä grossä u chliinä Bluemä.

Und wil das so öpis Persönlichs isch möchti hiä o kenner Bilder vo gmachtä Wärkstück veröffentlichä.