Was üs wichtig isch:

Verpackig

D Bluemä u alls anderä Packi dr gärn mitm Graspapier ii. Es Papier wo zu 30% us Grassschnitt bestiit u dr räst us recycletem Zällstoff. 

Töpf u Chörb

Ä grössä Tiil vo allnä Gsteck u Pflanzigä machi i recycletä Töpf us dr Brocki oder vo Lüt wo ifach dsviel Dahiimä hii ka u ned wüssä was machä drmit. 

Fr das ds Wasser ned zu dä Gsteckli usluuft bruchi diä Foliä wo Abfall wer vodä Bluemä woni iichufä. 

(Leider chani di miistä Bluemä numä in Foliä iipackt chuufä ar Bluenäbörsä wills momentan no Wältwiit so gmacht wird. Enderig isch jedoch in sicht 💕)

Bluemä u Pflanzä

Wes erhältlich isch chufi natürlich Schwizer Bluemä u Pflanzä ii. Leider giits da no chli nachholbedarf vorallem ir Bluemäproduktion aber swird ging chli meh. 

D Chrüter, Setzlig, Früehligsflor, Summerflor, Herbstflor woni verchuufä si aber c.a. zu 80% us Schwizer Gärtneriä.

Diä Bluemä woni ds viel ha iikuft wärdä verschenkt oder für speter trochnet. 

O d Pflanzä wo verblüeht u mehrjehrig sii wärdä verschenkt, oder sälbr überwinteret u somit ned verschwendet.